.jpg)
नकोच मजला आता,साथ उगा कुणाची
कशास करती पुन्हा,बात फुका प्रेमाची !
राहिलो न मीच माझा,तरी, झालो न तुझा
केला बहाल वसंत,ओढ तुला उन्हाची !
गळती फुलल्या कळ्या,गंध मागे ठेवुनि
पुसून त्या आठवणी,झालीस तू कुणाची ?
उगीच गुंतले मन,जडले काट्यावरी
कशास रंगवू पाने,रक्ताने गुलाबाची !
देईन हवे तेवढे,प्रेम माझे मलाच
नको पुन्हा रेखाटाया,रांगोळी आयुष्याची !
कळेल जेव्हा, येशिल, दोन थेंब घेऊनि
सांग विझवतील का,आग माझ्या चितेची ?
