आयुष्य म्हणजे काय?
कधी उंच उंच जाणारा झोका
तर क्षणात घसरगुंडीच धोका
आयुष्य म्हणजे काय?....
कधी आशेचे इंद्र्धनु सतरंगी
तर कधी निराशेत मन गुंगी
आयुष्य म्हणजे काय?....
कधी सुखाचा हिरवा गालीचा
तर कधी होरपळे जीव वेडपीसा
आयुष्य म्हणजे काय?....
कधी सुखद छायेची गोड नाती
तर कधी नुसतेच रिकामपण हाती
आयुष्य म्हणजे काय?...
कधी उसळता धबधबा कोसळणारा
तर कधी उगीच शांत झालेला किनारा
आयुष्य म्हणजे काय?...
कधी मुक्त दौडत जाणारे वारु
तर कधी जणू पिंज-यातील बंद पाखरू
आयुष्य म्हणजे काय?....
कधी धुंद मैफ़ल गाण्याची
तर कधी उरते पोकळी रिकामपणाची
आयुष्य म्हणजे काय?....
सुख:दु:खाच्या भावनांचा अल्बम
आठवण आली की डोळ्यासमोर आणायच्या
आयुष्य म्हणजे काय?
लपंडाव .......
फ़क्त असेल ते स्वीकारुन जगावे मस्त
निराशेने जिवन का करावे सुस्त